| Chapter 10 |
1 | Ata që vunë vulën e tyre mbi dokumentin ishin: Nehemia, qeveritari, bir i Hakaliahut, dhe Sedekia,
|
2 | Serajahu, Azaria, Jeremia,
|
3 | Pashuhuri, Amariahu, Malkija,
|
4 | Hatushi, Shebaniahu, Maluku,
|
5 | Harimi, Meremothi, Obadiahu,
|
6 | Danieli, Ginethoni, Baruku,
|
7 | Meshulami, Abijahu, Mijamini,
|
8 | Maaziahu, Bilgai, Shemajahu. Këta ishin priftërinj.
|
9 | Levitët: Jeshua, bir i Azaniahut, Binui nga bijtë e Henadadit dhe Kadmieli,
|
10 | dhe vëllezërit e tyre Shebaniahu, Hodijahu, Kelita, Pelajahu, Hanani,
|
11 | Mika, Rehobi, Hashabiahu,
|
12 | Zakuri, Sherebiahu, Shebaniahu,
|
13 | Hodijahu, Bani dhe Beninu.
|
14 | Krerët e popullit: Paroshi, Pahath-Moabi, Elami, Zatu, Bani,
|
15 | Buni, Azgabi, Bebai,
|
16 | Adonijahu, Bigvai, Adini,
|
17 | Ateri, Ezekia, Azuri,
|
18 | Hodijahu, Hashumi, Betsai,
|
19 | Harifi, Anatothi, Nebai,
|
20 | Magpiashi, Meshulami, Heziri,
|
21 | Meshezabeeli, Tsadoku, Jadua,
|
22 | Pelatiahu, Hanani, Anajahu,
|
23 | Hoshea, Hananiahu, Hasshubi
|
24 | Halloheshi, Pilha, Shobeku,
|
25 | Rehumi, Hashabnahu, Maasejahu,
|
26 | Ahijahu, Hanani, Anani
|
27 | Maluku, Harimi dhe Baanahu.
|
28 | Pjesa tjetër e popullit, priftërinjtë, Levitët, derëtarët, këngëtarët, Nethinejtë dhe tërë ata që ishin ndarë nga popujt e vendeve të huaja për të ndjekur ligjin e Perëndisë, bashkëshortet e tyre, bijtë e tyre dhe bijat e tyre, domethënë tërë ata që kishin njohuri dhe zgjuarësi,
|
29 | u bashkuan me vëllezërit e tyre, me më të shquarit, dhe u zotuan me mallkim dhe betim se do të ecnin në rrugën e caktuar nga ligji i Perëndisë, që ishte dhënë me anë të Moisiut, shërbëtorit të Perëndisë, dhe të respektonin e të zbatonin në praktikë të gjitha urdhërimet e Zotit, Zotit tonë, dekretet e tij dhe statutet e tij,
|
30 | të mos u japim bijat tona popujve të vendit dhe të mos marrim bijat e tyre për bijtë tanë,
|
31 | të mos blejmë asgjë ditën e shtunë ose në një ditë tjetër të shenjtë nga popujt që çojnë për të shitur ditën e shtunë çfarëdo lloj mallrash dhe drithërash, ta lëmë tokën të pushojë çdo vit të shtatë dhe të mos vjelim asnjë borxh.
|
32 | U zotuam prerazi të paguajmë çdo vit një të tretën e një sikli për shërbimin e shtëpisë së Perëndisë tonë,
|
33 | për bukët e paraqitjes, për blatimin e përjetshëm të ushqimit, për olokaustin e përjetshëm të të shtunave, të ditëve të hënës së re, të festave të caktuara, për gjërat e shenjtëruara, për ofertat e bëra për mëkatin, për shlyerjen e fajit të Izraelit, dhe për çdo punë të kryer në shtëpinë e Perëndisë tonë.
|
34 | Përveç kësaj hodhëm short midis priftërinjve, Levitëve dhe popullit për ofertën e druve që duhet të çohen në shtëpinë e Perëndisë tonë, çdo vit në afate të caktuara, sipas shtëpive tona atërore, me qëllim që të digjen në altarin e Zotit, Perëndisë tonë, ashtu siç është shkruar në ligj.
|
35 | U zotuam gjithashtu të çojmë çdo vit në shtëpinë e Zotit prodhimet e para të tokës sonë dhe frytat e para të çdo peme,
|
36 | dhe të parëlindurit e bijve tanë dhe të bagëtisë sonë, ashtu siç është shkruar në ligj, dhe me të pjelljen e parë të bagëtive tona të trasha dhe të imta për t`ua paraqitur në shtëpinë e Perëndisë tonë priftërinjve që kryejnë shërbim në shtëpinë e Perëndisë tonë.
|
37 | Përveç kësaj u zotuam t`u çojmë priftërinjve në dhomat e shtëpisë së Perëndisë tonë prodhimet e para të brumit tonë, ofertat tona, frutat e çdo peme, mushtin dhe vajin, dhe Levitëve të dhjetën e tokës sonë; vetë Levitët do të marrin të dhjetën pjesë në të gjitha qytetet ku ne punojmë.
|
38 | Një prift, pasardhës i Aaronit, do të jetë me Levitët kur ata do të marrin të dhjetat; dhe Levitët do ta çojnë të dhjetën e së dhjetës në shtëpinë e Perëndisë tonë, në dhomat e thesarit,
|
39 | sepse në këto dhoma bijtë e Izraelit dhe bijtë e Levit do të sjellin ofertat e grurit, të mushtit dhe të vajit; këtu janë veglat e shenjtërores, priftërinjtë që kryejnë shërbimin, derëtarët dhe këngëtarët. Ne nuk do ta braktisim shtëpinë e Perëndisë tonë.
|